2012.12.15 Донорсен йышĕ ỹсет («Яльчикский край (Елчĕк ен)», Яльчики )

Раштавăн 13-мĕшĕнче районти тĕп больницăра донор кунĕ иртнĕ. Унта 97 çын хутшăннă. Хăйсен юнĕ йывăр чирлĕ çынсен пурнăçне çăлса хăварма кирлине шур халатлисем пуринчен лайăх пĕлеççĕ. Çавăнпа та Н.Уркова тĕп врачран пуçласа ытти тухтăрсемпе медицина сестрисем йышлăн юн панă. "Эмметево", "Стройэнергосервис" ОООсенче, "Знамя" ЯХПКра, "Прогресс" АХОра, суд приставĕсен пайĕнче, Елчĕкри шкулта, район администрацийĕн вĕренỹпе çамрăксен пайĕнче, "Чебурашка" ача садĕнче, юсавпа техника предприятийĕнче, Елчĕкри газ участокĕнче, Перекет банкĕнче, аптекăра ĕçлекенсем сăваплă ĕçе хаваспа хутшăннă. О.Левая, Е.Александрова, О.Скворцова пуçласа донор ретне тăнă.

Е.ИВАНОВА