2013.07.142 Донорсем нумайланччăр («Сельский труженик (Ял ĕçченĕ)», Янтиково )

Раççейре кашни кун 5 пин çынна юн ямалла. Хальхи вăхăтра çĕр-шыв поликлиникисенче юн япалисем кирлĕ чухлĕ çук. Çавăнпа хăш-пĕр чухне пациентсене юн тăванĕсем параççĕ.

Пирĕн районта пурăнакансенчен çулталăк пуçланнăранпа 194 çын юн панă. Çавнашкал ырă ĕç тăвакансен йышĕ пысăкланса пырать. Юншăн паракан укçа-тенкĕ сумми те ÿснĕ халь. Тăвай енре 40 хутчен юн панă çынсем те пур. Вĕсем хисеплĕ донорсем шутланаççĕ. Илнĕ юна малтан тĕплĕ тĕрĕслеççĕ. Енчен те унта нимĕнле чир те тупса палăртмасан, урăх препаратсем хатĕрлеме яраççĕ.

Районта пурăнакансене донорсен йышне тăма сĕнетпĕр. Çак пулăм сывлăхшăн усăллă тата тепĕр çынна вилĕмрен çăлатăр хăвăр юнпа.