2010.04.16 Халах сывлӑхӗ пӗлтерӗшлӗ (Хыпар)

Кӑҫал Чӑваш Енре 120 пине яхӑн граждана /ҫав шутра 42 пин ача/ диспансеризацилеме палӑртнӑ. "Сывлӑх" наци проекчӗпе пурнӑҫланакан ҫак мероприяти халӑха вилӗм патне ҫитерекен е ӗмӗрлӗх инвалид туса хуракан чир-чӗре /сахӑр диабечӗ, туберкулез, онкологи, чӗрен юн тымарӗсен тата хускану аппарачӗн чирӗсем/ малтанхи тапхӑртах тупса палӑртса ӑнӑҫлӑ сиплеме май парать. Сывлӑх сыхлавӗн тата социаллӑ аталану министерствин   пресс-службинче   пӗлтернӗ   тӑрӑх, 2010 ҫулта тӗрлӗ предприятире тӑрӑшакан 48 пине яхӑн ҫын хушма диспансеризаци витӗр тухӗ. Халӑх сывлӑхне медицинӑн хӑватлӑ оборудованийӗпе тӗрӗсленисӗр пуҫне уйрӑмах пысӑк хӑрушлӑх кӑларса тӑратакан сӑлтавсене - юнри сахӑр виҫине, холестерин шайне, юн пусӑмне -скрининг мелӗпе палӑртма йышӑннӑ. Халь-лӗхе палӑртнин 12,61 проценчӗ диспансеризаци  витӗр тухнӑ.

И.СЕРГЕЕВА